Бүгін 29 желтоқсанда Құлсары қаласының тағы 13 тұрғыны тамақтан уланып, Жылыой аудандық ауруханасына түсті. Бұған дейін 16 тұрғын уланып, ауруханаға түскен еді. Аурухана директоры Нұрбек ҮКІБАЕВТЫҢ айтуынша, бәрінде іш өту, жоғары температура, жүрек айну және жалпы әлсіздік байқалған.
- 27-28 желтоқсанда бізге барлығы 29 адам жүгінді. Олардың тамақтан уланғаны белгілі болды. Бәрінің айтуынша, 24 желтоқсанда олар «Три самурая» кафесінен үйлеріне тапсырыспен жеткізілген сушиді жеген екен, - деп хабарлады Үкібаев.
Осы факті бойынша ҚР ҚК-нің 304-бабы («Санитариялық қағидаларды немесе гигиеналық нормативтерді бұзу») бойынша сотқа дейінгі тергеу басталды.
Айнұр САПАРОВА