Атырауда «Жыл кәсіпкері» байқауының жеңімпаздарын марапаттау рәсімі өтті. Бұл туралы өңірлік коммуникациялар қызметі хабарлайды.
«Бизнес жобаның жаңашылдығы» номинациясымен Бақытжан Дариева, Самал Жұмашева, Абзал Артықбаев марапатталды.
«Жыл меценаты 2020» номинациясымен - Әсет Мәмбетов, Болат Бушанов, Төкен Жұмағұлов.
«Жыл кәсіпкері 2020» номинациясымен - Қанат Сыдихов, Марат Өмірзақов.
Ал «Жыл кәсіпкері 2020» номинациясының жеңімпазы болып «Брандо» ЖШС-ның құрылтайшысы Махмут Миралиев танылды.
Облыс әкімінің орынбасары Әлібек Нәутиев пандемия кезеңінде көрсеткен көмек үшін кәсіпкерлерге алғысын білдірді.
- Қиын кезеңде жерлестеріме көмек көрсету парызым деп санадым. Дәрігерлерді қонақ үймен және ыстық тамақпен қамтамасыз еттік. Жұртымыз аман болсын, - деді кәсіпкер Бушанов.
Дайындаған Айнұр САПАРОВА