Жаңа жылдан бастап Атырауда бұрын тоқтатылған қаладағы жолаушылар жүретін 4 маршрут қайта іске қосылады. Атап айтқанда, «Атырау» ықшамауданынан «Дина» базарына дейін № 3, «Сарықамыс» ықшамауданынан «Мұнайшы» ықшамауданына дейін №15, «Жеңіс» саябағынан Жилгородокқа дейін №30 және Сарыөзектен «Дина» базарына дейін №62 маршруттар жүреді.
Бұдан басқа, қалалық әкімдіктің баспасөз қызметі хабарлағандай, 15 желтоқсаннан бастап Самал, Самал-2 (Машанова - Кекілбайұлы - 16-шы өткел) ықшамаудандарын толық қамту үшін №22 маршрут ұзартылды, №65 маршрут та ұзартылады, автобус енді Сая ықшамауданына кіреді (бұл Водников ауылының маңындағы саяжайлар тұрған жаңа ықшамаудан).
Нұргүл ХАЙРУЛЛИНА