Барлық мереке және демалыс күндері 16-19 желтоқсан аралығында автобустар әдеттегідей жүреді. Бұл туралы Атырау облысының бас санитар дәрігері Амантай ЖҰМАҒАЛИЕВ хабарлады.
- Мереке күндері жолаушылар тасымалы тоқтатылмайды, маршруттар жұмыс істейді. Бұл ретте әлеуметтік арақашықтықты сақтау және маска кию талаптары сақталуы керек, - дейді Жұмағалиев.
Базарлар мен сауда орталықтарындағы жұмыс кестесі күрделірек.
- 16 және 17 желтоқсанда базарлар мен сауда орталықтары жабылады, 18-і - жұмыс істейді, 19-ы - қысқартылған режимде, сағат 17-ге дейін жұмыс істейді, - дейді кәсіпкерлік басқармасының басшысы Абдуахит ӘБІШЕВ. Оның айтуынша, облыста 20 базар жұмыс істейді, оның 9-ы Атырауда, қалғандары аудандарда. 24 ірі сауда орталығы бар, оның 14-і - облыс орталығында.
Айнұр САПАРОВА