Атырау облысында өткен тәулікте 26 адамда коронавирус індеті ПТР арқылы расталып ауырғаны белгілі болды, - деп хабарлайды Атырау облыстық денсаулық сақтау басқармасының баспасөз қызметі.
Ауру жұқтырған науқастардың 15-сі Атырау қаласынан тіркелген. Сондай-ақ, Теңіз кенішінен 9 жұмысшыдан, Мақат -1, Құрманғазы -1 адамнан анықталған.
Covid-19 инфекциясын жұқтырған науқастардың 6-ауында ауру симптомды түрде өтуде, қалғандарында ауру белгілері жоқ.
Өткен тәулікте облыста коронавирус инфекциясынан 4 адам емделіп шықты.
Қазіргі уақытта 164 адам үй жағдайында емделуде. Облыстық инфекциялық стационарда 46 науқас, ал аудандағы инфекциялық стационарда - 7, Теңіз кенішінің инфекциялық стационарында 216 адам ем қабылдауда.