В Атырау 0 
ТШО Кевин ЛАЙОННЫҢ «Теңізшевройл»ЖШС-ның бас директоры қызметіне ұсынылғанын растады. Ал әзірге ТШО-ның қазіргі (2021 жылдың 1 ақпанына дейін) бас директоры Имер БОННЕР «Шеврон» техникалық орталығының президенті және «Шеврон» корпорациясының технология жөніндегі бас директоры лауазымына тағайындалды.
«Ол жоғары бизнес-көрсеткішті қамтитын озық тәжірибені қолдана отырып, ККЖ-ҰЕҚБЖ-ны алға жылжытып, мүдделі тараптармен, атап айтқанда, Қазақстан Үкіметімен, серіктестермен және жұртшылықпен аса жоғары қарым-қатынасты сақтау арқылы ТШО-ны шебер басқара білді. Имер өзінің жаңа қызметінде де ТШО-ға, атап айтқанда, жаңа технологиялар мәселесі бойынша қолдау көрсететін болады», - деп атап өтті компания.
Кевин Лайонға келер болсақ, ол өзінің мансаптық жолында Бангладеш, Индонезия, Нигерия, Нидерланды, Филиппин және АҚШ елдерінде көптеген инженерлік-техникалық және басшылық лауазымдарды атқарды. Оның кандидатурасы басқару дағдысы мен тиісті халықаралық тәжірибесі негізінде қабылданды.
Дайындаған Нұргүл ХАЙРУЛЛИНА