Атырауда жаңа жылға арналған бұқаралық іс-шаралар ұйымдастыруға тыйым салынды. Бұл туралы Атырау облысының бас мемлекеттік санитар дәрігері Амантай ЖҰМАҒАЛИЕВ мәлімдеді.
- Жаңа жылдық кештер мен корпоративтік іс-шаралар өткізуге тыйым салынады, - деді Жұмағалиев. - Сондай-ақ отбасылық, салтанатты шаралар, банкеттер, үйлену тойларын, мерейтойлар, еске алу шараларын, оның ішінде үйде, басқа да көп адам жиналатын шаралар өткізуге салынған тыйым сақталады.
Карантин ережелерін бұзғаны үшін айыппұл мөлшері: жеке тұлғалар үшін 30 АЕК (83 340 теңге), шағын бизнес субъектілері үшін 230 АЕК (638 940 теңге), орта бизнес үшін - 310 АЕК (861 180 теңге), ірі бизнес үшін - 1600 АЕК (4 444 800 теңге).
Айнұр САПАРОВА