В Атырау +2 
Атырау халықаралық әуежайында тексеру кезінде көлік полициясы «Атырау-Мәскеу» рейсі жолаушыларының бірінің сөмкесінен 9 келі бекіре тұқымдас балық тапты. Тергеу ұзаққа созылмады - сот ер адамға бір жарым жыл мерзімге бас бостандығын шектеу үкімін шығарды.
- Тексеру барысында сөмкенің иесі Батыс Қазақстан облысының 33 жастағы тұрғыны екені анықталды. Ол «Атырау-Мәскеу» рейсімен ұшып кеткісі келген екен, - деп хабарлады ҚР ІІМ Көліктегі полиция департаментінің баспасөз қызметі. – Осы факт бойынша сотқа дейінгі тергеу жұмыстары ҚР Қылмыстық кодексінің 339-бабы (Жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен заңсыз айналысу) бойынша жүргізілген.
Жыл басынан бері Атырау облысының көлік полициясы 339-бап бойынша 36 қылмыстық іс қозғап, 259 кг бекіре және 8 кг қара уылдырықты тәркіледі.
Фархат ӘБІЛОВ
Көліктегі ПД ұсынған сурет