Бүгін, 18 қарашада Атырауда Нұрсая-2 ықшам ауданында құбыр жарылып, көп қабатты бірнеше үйдің тұрғындары жылусыз қалды. Ал таңертең термометрлер 13 градус аязды көрсетіп тұрды.
Сәл кейінірек қалалық әкімдіктің баспасөз қызметі 18 қарашада Нұрсая-2 ықшамауданында 2015 жылы жүргізілген кварталдық желілердің жылу құбырларынан су кетіп тұрғаны анықталды, деп хабарлады. 7 үйге жылу беру тоқтатылды. Жөндеуге 4 вакуум, 1 манипулятор тартылды. Қазіргі уақытта суды екі вакууммен сорып жатыр. Апатты жою үшін ТКШ, жылу жүйелері және «Тұрғын үйлерге коммуналдық қызмет көрсету» ЖШС қызметкерлері бірлесіп жұмыс істеуде. Жөндеу жұмыстары 3 сағат ішінде аяқталады.
«Суық» үйлердің бірінің тұрғындары AЖ»-ға хабарлағандай, түстен кейін жылу әлі берілмеген.
Нұргүл ХАЙРУЛЛИНА