SCAT әуе компаниясының ұшағы әуежайға шұғыл қонды

2 679 рет қаралды

15 қарашада сағат 16-да, Атыраудан Алматыға ұшқан SCAT әуе компаниясының Boeing 737-300 ұшағы Атырау халықаралық әуежайына шұғыл қонды.

DV770 рейсі жерге қону үшін жанармайын жағып, екі сағаттай аспанда айналып жүрді.

«AЖ»-ға белгілі болғандай, ұшақ салонында ұшу кезінде кондициялау жүйесінің индикациясы іске қосылған. Осыдан кейін әуе кемесінің командирі әуежайға оралуға шешім қабылдады. Сәтсіз рейс бүгін ұшады деп жоспарланған.

Еске сала кетейік, бұл SCAT ұшағына қатысты екінші оқиға. 11 қарашада «Атырау - Нұр-Сұлтан» рейсі кезінде биіктікке көтерілген ұшақ қозғалтқышына бір топ құс соғылған болатын. Бортында 115 жолаушысы бар ұшақ кері әуежайға оралуға мәжбүр болды.

Фархат ӘБІЛОВ

16 қараша 2020, 10:56

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.