Атырау тұрғынынан 5 келі марихуана тәркіленді

"Қарасора" жедел профилактикалық іс шарасы барысында полиция қала шетінде орналасқан Зарослый ауылының 28 жастағы тұрғынын ұстады. Оның үйінен 5 келіден астам марихуана табылды.

ҚР ҚК-нің 296-бабы ("Өткізу мақсатынсыз есірткі заттарымен заңсыз жұмыс істеу") бойынша сотқа дейінгі тергеп-тексеру жүргізілуде. 1 маусымда "Қара сора" жедел шарасы басталғалы заңсыз айналымнан 20 кг астам есірткі заттары алынып, тәркіленді.

Дайындаған Зульфия ИСКАЛИЕВА