Коронавирус пандемиясы басталғалы бері Атырау облысында 12 мыңдай нәресте дүниеге келді.
Бұл өткен жылдың сәйкес кезеңімен салыстырғанда 538 балаға артық.
- 1 наурыздан бастап облыста 11 794 жаңа туған нәресте тіркелді. Бұл күніне орта есеппен 25 бала дүниеге келеді деген сөз, - деп хабарлайды Атырау облысы денсаулық сақтау басқармасының баспасөз қызметі.
Еске салайық, коронавирус пандемиясы кезінде облыстық перинаталдық орталықта 30 кереуеттік, ал қалалық перзентханада 8 орындық провизорлық стационар ашылған еді. Онда КВИ диагнозы расталған әйелдер босанды. Олардың дүниеге әкелген сәбидің ешқайсысынан қауіпті инфекция анықталмады.
Дайындаған Зульфия ИСКАЛИЕВА