В Атырау +1 
Теңіз кен орнындағы эпидемиологиялық жағдайдың жақсаруына қарамастан, карантин шектеулері толық көлемде сақталып отыр. ТШО мен мердігер ұйымдардың барлық қызметкерлері маска тағуға, әлеуметтік арақашықтықты сақтауға және өзін-өзі оқшаулауға міндетті деп хабарлады компанияның баспасөз қызметі.
Қазір ТШО жүргізген ПТР-тестілердің саны 103 000-нан асты. Пандемияның екінші толқынына дайындық аясында ТШО қызметкерлері мен мердігер мекемелер үшін оқшаулау объектілері дайындалды, атап айтсақ: 380 орындық уақытша инфекциялық аурухана, науқаспен жақын байланыста болғандар үшін 800 оқшаулау орны, сондай-ақ, Теңізде 79 провизорлық (ПТР нәтижесін күтуге арналған) және Атыраудағы ауру белгісі байқалмайтын инфекция жұқтырған науқастар үшін 145 орын бар.
1 қыркүйектен бастап ТШО өндірістік қызметті қауіпсіз әрі үздіксіз жүзеге асыру үшін, сондай-ақ, ККЖ-ҰЕҚБЖ шеңберінде жұмыстарды кестеде белгіленген мерзімде орындау үшін қызметкерлерді қайта жұмылдыруға кіріскенін осыдан бұрын хабарлаған едік.
Компания қайта жұмылдыру кезең-кезеңмен, барлық талаптар мен ережелерге сәйкес және Теңіз кен орны мен елдегі эпидемиологиялық жағдайға байланысты жүзеге асырылатынын нақты жеткізді.
ККЖ-ны аяқтау және қазақстандық қызметкерлерді қысқарту туралы «АЖ» сұрағына жобада көзделген кестеге сәйкес жұмыс күшін қауіпсіз демобилизациялауды қамтамасыз ету мақсатында компания мемлекеттік органдармен тығыз байланыста жұмыс істейді. Бүгінгі күні ККЖ-ҰЕҚБЖ 79%-ға аяқталды, деп қысқаша жауап берді ТШО-дағылар.
Нұргүл ХАЙРУЛЛИНА