В Атырау -4 
©REUTERS
Қырғызстанда президент пен Жогорку Кенешке (парламент - автор) депутаттарды сайлау мерзімдері кейінге шегерілді, - деп хабарлайды Sputnik Қырғызстан.
Қырғызстан президентінің міндетін атқарушы Садыр Жапаров елдегі парламент сайлауын 2021 жылдың көктеміне - сайлау жүйесінің реформасы аяқталатын уақытқа ауыстыру туралы заңға қол қойды.
"Біздің заң жобамыз Конституцияға қайшы келмейді. Сараптама жүргізілді, барлығы заңнамаға сәйкес. Заң жобасын қолдауды сұраймын, ол қоғамдық-саяси жағдайды тұрақтандыруға мүмкіндік береді", - деді Жапаров.
Президенттің м.а. баспасөз қызметінің хабарламасында құжат бірқатар жағдайға, сондай-ақ елдегі қоғамдық-саяси жағдайға байланысты қабылдануы керегі жазылған.
Жогорку Кенеш депутаттарын сайлау мерзімі конституциялық реформадан кейін Қырғызстанның заңнамасына сәйкес 2021 жылдың 1 маусымынан кешіктірмей тағайындалады.
Бұған дейін Қырғызстанда президент сайлауы 2021 жылдың 17 қаңтарында, ал парламент сайлауы 20 желтоқсанда өтетіні хабарланған болатын.
Дереккөз: Tengrinews