В Атырау +4 
Махамбет ауданы Сарытоғай ауылындағы Қалыбеков атындағы орта мектептің есепшілері үш жыл ішінде 50 миллион теңге иемденіп алған.
Бас есепші мен есеп айырысу бухгалтері мектеп қаржысын өздерінің, туысқандарының және таныстарының жеке шоттарына аударған.
Ол үшін олар «Казначейство-клиент» ақпараттық жүйесінде ЭЦҚ пайдаланып, қашықтан мектептің төлем құжаттарына қол қойып отырған.
Бұл Атырау облысы бойынша тексеру комиссиясы аудит жүргізген кезде анықталды.
Тексеру комиссиясының төрағасы Нариман ТАУШОВТЫҢ хабарлауынша, жинақталған материалдарды тергеу жүргізу үшін жемқорлықпен қарсы күрес қызметіне жолданды. Сот есепшілерді ҚР ҚК 189 бабы (Сеніп тапсырылған бөтен мүлікті иемдену) бойынша кінәлі деп тауып, 6 жылға бас бостандығынан айырды.
Қазір ұрланған ақшаның 25 миллион теңгесі бюджетке кері қайтарылды.
Нұргүл ХАЙРУЛЛИНА