Өткен тәулікте Атырау облысында коронавирус инфекциясын жұқтырған 10 адам анықталды - бұл туралы Атырау облысының денсаулық сақтау басқармасы хабарлады.
Оның ішінде 8 – Атырау тұрғындары, 1-і Жылыой ауданында, 1-еуі-Теңіз кенішінде тіркелген.
Қазір коронавирустан 59 адам емделіп жатыр. №2 Облыстық жұқпалы аурулар ауруханасының инфекциялық стационарында 26 науқас бар, оның үшеуі жансақтау бөлімінде. Науқастардың жасы 40-тан 65 жасқа дейін.
Теңіз кен орны ауруханасының инфекциялық стационарында 33 адам емделуде. Басқа аудандық инфекциялық стационарларда емделіп жатқан науқастар жоқ.
38 науқаста негізделген «ковид инфекциясы» бар, ал 21 науқасқа «короновирустық пневмония» диагнозы қойылғанын атап өтті облыстық денсаулық сақтау басқармасында.
Дайындаған Н. ХАЙРУЛЛИНА