Парижде Charlie Hebdo журналының бұрынғы кеңсесіне шабуыл жасалды

1 009 рет қаралды

25 қыркүйекте Парижде Charlie Hebdo сатира журналының бұрынғы кеңсесіне шабуыл жасалып, кемінде төрт адам жарақаттанды. Екеуінің жағдайы ауыр деп хабарлады Азаттық радиосы BFM TV арнасына сілтеме жасап.

BBC сайтының жазуынша, редакция ғимаратын полиция қоршап, күмәнді пакет табылған.

France Press агенттігі екі күдіктінің бірі ұсталғанын хабарлады.

2015 жылы қаңтар айында қарулы екі адам Парижде Charlie Hebdo журналының редакциясына басып кіріп, жаппай оқ атып, 12 адам қаза тапқан еді. Шабуыл жасағандар Мұхаммед пайғамбардың карикатурасын жариялағаны үшін басылымнан "кек алғандарын" мәлімдеген. Олар арнайы операция кезінде қаза болған.

Биыл қыркүйек айының басында Charlie Hebdo журналында көптеген мұсылманның ашу-ызасын туғызған карикатура жарияланған.

25 қыркүйек, 19:46

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.