Жыл басынан бері Атырау облысында 159 жол-көлік оқиғасы тіркеліп, нәтижесінде 39 адам қаза болып, 199 адам жарақат алды.
«Өткен жылдың сәйкес кезеңімен салыстырғанда, жол-көлік оқиғаларының саны 15,4%-ға (188-ден 159-ға), жарақат алғандар саны 23,5%-ға (260-тан 199-ға), қайтыс болғандар саны 4,9%-ға (41-ден 39-ға дейін) азайды. Атырау облысында жүргізушілердің көлік жүргізу тәртібін жақсарту және жазатайым оқиғалардың санын азайту мақсатында «Қауіпсіз жол» жедел-алдын алу іс-шарасы жүргізілуде», - деп хабарлайды ПД баспасөз қызметі. Шара аясында облыс жолдарында жол жүру қауіпсіздігін насихаттау мақсатында буклеттер тарату ұйымдастырылды.
Дайындаған Ләззат ҚАРАЖАНОВА