Қашқан қылмыскер шетелден де, өзімізден де табылып жатыр

Жыл басынан бері Атырау облыстық полиция  департаментінің қызметкерлері жедел іздестіру шаралары нәтижесінде іздеуде жүрген 57 қылмыскерді ұстады.

Сонымен қатар, биыл  наурыз және қыркүйек айларында Республика көлемінде ТМД елдерімен бірлескен кең көлемді  «Іздестіру» жедел шарасы өткізіліп, нәтижесінде өзбекстандық әріптестер іздеу салынған 3 қылмыскерді Қазақстанға ұстап берді, сонымен қатар Ресей Федерациясы, Украина және Молдова Республикалары аумағында бір-бірден іздеудегі қылмыскерлердің жүрген жері анықталды.

- Сондай-ақ іздестіру нәтижесінде Ресей Федерациясында 4 және Өзбекстан құқық қорғау органдарымен іздеудегі 3 қылмыскердің жүрген жері Атырау облысы аумағы екені анықталды, - дейді Атырау облыстық полиция департаменті бастығы Қамза ҮМБЕТҚАЛИЕВ. - Хабар-ошарсыз кетіп, іздеу жарияланған 29  тұлғаланың 26-ы үйлеріне қайтарылды. 

Дайындаған Ләззат ҚАРАЖАНОВА