Атырау облысы бойынша Қылмыстық-атқару жүйесі департаментіне қарасты УГ-157/1 (тергеу изоляторы) мекемесінде сәлем-саухаттарды тексеру барысында қаймақтың ішіне жасырынған өзіне тән иісі бар, жасыл түсті шөп табылды.
- Мекеме қызметкерлерінің қырағылығының арқасында мекемеде ҚР ҚК 99-бабы («Кісі өлтіру») бойынша тергеуге қатысты қамауда отырған 18 жастағы күдіктіге арналған сәлемдеме жетпей қалды, - дейді УГ-157/1 мекемесінің күзет және режим бөлімінің бастығы Асылбек РАХМАНОВ. – Олар сол бойда Полиция департаментінің жедел-тергеу тобын шақырып, сәлемдеме әкелген азамат ұсталды.
Ләззат ҚАРАЖАНОВА