Эпидемиологтар "адамзат пандемия дәуіріне өтіп жатқанын" ескертті

3 056 просмотра

Адамзат пандемия дәуіріне өтті, дүние жүзін жаулап алған коронавирус алдағы індеттердің тек алғашқысы болуы мүмкін. Бұл туралы америкалық ғалымдар - АҚШ-тың бас инфекционисі Энтони Фаучи мен эпидемиолог Дэвид Моренс мәлімдеді, - деп хабарлайды tengrinews.kz BuzzFeed басылымына сілтеме жасап.

Cell журналындағы мақалада сарапшылар алдағы жылдары пандемияның қарқыны үдеуі мүмкін екенін болжаған. Ал аурудың тарауының негізгі себебі - ормандарды кесу, қалалардың көптігі мен жабайы жануарларды сату болуы мүмкін.

"Мен көріпкел емеспін, бірақ біз бақылап отырған жағдай пандемияның үдеп жатқанын аңғартады", - дейді Моренс.

Моренс пен Фаучидің сөзінше, адамдар эпидемияны төтенше жағдай енгізу арқылы емес, өмір сүру стилін өзгерту арқылы жеңе алады.

Джонс Хопкинс атындағы университет мәліметінше, 4 қыркүйекте дүние жүзінде COVID-19 жұқтырғандардың саны 26 344 473-ке жеткен, қайтыс болғандардың саны - 869 569.

5 қыркүйек 2020, 10:48

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.