Қылмыстық апта: қарақшы-көрші, бопсалаушы және ашық люктер

Атырауда полиция «Құқықтық тәртіп» жедел-алдын алу іс-шарасының қорытындысын жасады.

Бір апта ішінде барлығы 1 606 түрлі әкімшілік құқықбұзушылық тіркелді.

Полицейлер 16 мас жүргізушіні, қоғамдық орындарда мас күйде жүрген 166 адамды ұстады. Түнде серуендеп жүрген кәмелетке толмаған 136 жасөспірім полицияның тірек пункттеріне жеткізілді. Облыста көші-қон қызметкерлерінен жасырынып, заңсыз жүрген 23 адам анықталды. Бұдан басқа, Құрманғазы және Қызылқоға аудандарында жергілікті тұрғындардан заңсыз сақталған екі аңшылық мылтық тәркіленді.

«Тоқта - ұрлық» жедел-алдын алу іс-шарасы барысында он қылмыс ашылды, оның ішінде тоғыз: ұрлық, тонау және алаяқтық қылмысы бұрын жасалған.

Полицейлер 7 тамызда ата-анасымен ренжісіп, үйінен кетіп қалған Батыс Қазақстан облысы Жанғала ауданынан келген қызды Атыраудан тапты. Сондай-ақ, 29 тамызда күндіз жеті жасар қыз жоғалып кетті - анасы полицияға жүгініп, олар қызды 10 минут ішінде тауып алды.

Құрманғазы ауылында жергілікті мектептен екі ноутбук пен видеопроектор ұрлаған 24 жастағы қала тұрғыны ұсталды. Ұрланған заттар тәркіленіп, күдікті үйқамаққа алынды. Қазіргі уақытта ұрлық фактісі бойынша сотқа дейінгі тергеу амалдары жүргізілуде.

Екі күн бұрын Атырау полицейлер жалғызбасты зейнеткерді тонап кеткен қарақшыны із суытпай ұстады. Әйел түнде көршісі пәтеріне баса көктеп кіріп, өзін тұншықтырып, ақшасын, банк картасы мен телефонын алып кеткенін хабарлады. Есін жиған зейнеткер көршілерін көмекке шақырып, олар полицияға хабарласқан. Күдікті қамауға алынды, сотқа дейінгі тергеу амалдары жүргізілуде.

Полиция танысына қонаққа барып, оның  телефоны мен теледидарын ұрлап кеткен қызды ұстады. Ұрлық фактісі бойынша қылмыстық іс қозғалды.

Полиция Атырау тұрғынынан қорқытып ақша бопсалаған 30 жастағы ер адамды қамауға алды. Алдымен одан 80 мың теңге, ал үш күннен кейін тағы 70 мың теңге алған. Бопсалаушы өзін жайына қалдырмайды деп қауіптеніп, әйел полицияға жүгінген.

Ер адам ұсталып, уақытша ұстау изоляторына қамалды.

Қылмыскерлерді ұстаудан басқа, Атырау полицейлері 1 қыркүйек қарсаңында оқушыларға қауіп төндіретін ештеңе жоқ екеніне көз жеткізу үшін мектеп аумағын тексерді. Осылайша олар №12 орта мектеп пен қазақ-түрік лицейі арасындағы аумақтан екі ашық люк тапты. №37 мектептің жанында олар ашық жылу трассалары мен қоршалмаған трансформаторды байқады. Полиция мектеп директорлары мен жергілікті атқарушы органдарға осы қауіптерді жою жөнінде жүгінді.

Фархат ӘБІЛОВ