В Атырау -1 
30 тамыздан 31-іне қараған түні Астрахань трассасының бойындағы Исатай ауданындағы Жанбай ауылының тұсында медициналық мақта тиеген «MAN» көлігінің тіркемесі өртенді. Көлік жүргізушісі - Түркия азаматы зардап шеккен жоқ. Жүкті Түркиядан Қырғызстанға апара жатқан.
Облыстық Төтенше жағдайлар департаменті хабарлағандай, оқиға орнына өртке қарсы күрес қызметінің 4 қызметкері мен 1 техникасы жұмылдырылған. Өрт салдарынан жүк толығымен жанып кеткен, ал көлік кабинасы бүлінген жоқ.
Ләззат ҚАРАЖАНОВА
Атырау облысы ТЖД баспасөз қызметі ұсынған суреттер
1 қыркүйек 2020, 09:27