Атырауда полиция ротасының командирі қарамағындағыларды өзіне пара беруге мәжбүрлеген

Сыбайлас жемқорлыққа қарсы іс-қимыл департаменті Атырау облысы полиция департаментінің патрульдік-полиция ротасының командирі М-ға қатысты қылмыстық істі тергеуде. Ол қызмет кезінде қамқорлығы үшін қарамағындағылардан бопсалап, жүйелі түрде 5 мыңнан 70 мың теңгеге дейін пара алды деп күдіктелуде.

- Сот М-ға қатысты қамауға алу түрінде бұлтартпау шарасын санкциялады, - деп хабарлады Сыбайлас жемқорлыққа қарсы күрес қызметі. - Қазіргі уақытта тергеу амалдары жүргізілуде.

«AЖ» сайтында жарияланғаннан кейін полиция департаментінің баспасөз қызметі комментарий берді:

- Бұл факт бойынша қызметтік тергеу жүргізілді. Сыбайлас жемқорлық қылмысын жасады деп күдіктелген қызметкер теріс бағасын алып, ішкі істер органдарынан шығарылды. Бұдан басқа, жергілікті полиция қызметінің басшылары лауазымынан босатылды.

Фархат ӘБІЛОВ