В Атырау +31.5 
24 тамыз күні кешке Атырауда өткіншілер Атамбаев көшесінің көлік жүретін бөлігінде келе жатқан қызды байқады. Қыздың өзгеше жүріс-тұрысы қалалық полиция басқармасының патрульдік қызметкерлерінің назарын аударды. Тоқтауын өтінгенде ол керісінше, өтіп бара жатқан көліктерге қарай жүгірді. Ал оны ұстаған сәт әлеуметтік желіге тарап кеткен.
- Тексеру кезінде оның Қызылорда тұрғыны екені, психоневрологиялық қызметтің есебінде тұрғаны анықталды. Коронавирус инфекциясына сынама нәтижесі шыққаннан кейін біздің психоневрологиялық диспансер оны қабылдауға дайын. Ол Қызылордадан туыстары келгенше осында болады, - дейді қалалық полиция басқармасы ЖПҚ бастығы Сайфулла ҚАЗИХАНОВ.
Полицияның мәліметінше, қыздың ата-анасы жоқ, әпкесімен бірге тұрады. Атырауға келмес бұрын Ақтөбеге де барып үлгерген.
Зульфия ИСКАЛИЕВА
Әлеуметтік желіден алынған бейнежазба