МАБ қорытындысы әзірге белгісіз

24 ақпанда Атырау облысында Мемлекеттік аралық бақылау (МАБ) болып өтті. Оған 9 мыңнан астам төртінші сыныптықтар мен 9,5 мыңнан аса тоғызыншы сынып оқушылары қатысты.

Облыстық білім басқармасындағылар министрліктің нұсқауына сілтеп, нәтижелерін жарияламады.

- МАБ өткізу кестесі бойынша батыс аймақтары тестілеуді алғаш боп тапсырды. Ақырғы нәтижелер, соның ішінде біздің облысымыз бойынша қорытындылар біріктіріліп, сәуір айында жарияланатын болады, - дейді облыстық білім беру басқармасының жалпы және орта білім беру бөлімінің бастығы Бәтима БАХТИЯРОВА. Облыстық білім беру басқармасындағылардың хабарлауынша, біздің оқушылар өткен жылғыға қарағанда тестіде жақсы нәтижелер көрсеткен.

Лаура СҮЛЕЙМЕНОВА