​Әуежайда бір бума еуромен ұсталды

Атырау сотының үкімі бойынша 15,5 мың еуро мемлекет кірісіне есептелді.

- Бұл ақшалай қаражат экономикалық контрабанда фактісі бойынша азамат Д-ға қатысты қозғалған қылмыстық істе заттай дәлелдеме ретінде танылып, тәркіленді. Ол Атырау әуежайында заңсыз, яғни декларациясыз осы соманы шетелге шығаруға әрекеттенген кезде ұсталды, - деп хабарлайды Атырау облысы бойынша Экономикалық тергеу департаменті.

Экономикалық контрабанда фактілері туралы белгілі болған жағдайда 8 (7122) 35-42-10 сенім телефоны арқылы хабарлаған жөн болады.

Дайындаған Зульфия ИСКАЛИЕВА