В Атырау -7 
Атырау облысының прокуратурасы облыс орталығындағы Ғ.Мүсірепов атындағы №5 қалалық орта мектепті күрделі жөндеуге бөлінген бюджет қаражатының ұрланғанын анықтады.
2017 жылы мектепке 279 миллион теңгеге жөндеу жұмыстары жүргізілген.
- Өте көп қаражат бөлінді. Сондықтан биыл наурыз айында әлсіз жел салдарынан ғимараттың қаптамасы қалай түсіп қалды деген сұрақ туындады, - деп хабарлайды «АЖ» тілшісіне облыстық прокуратураның баспасөз қызметі. - Тәуелсіз сарапшының қорытындысына сәйкес, сәулет-құрылыс нормаларын сақтамау, сондай-ақ орындалмаған жұмыстар салдарынан мемлекетке 25 миллион теңге көлемінде залал келтірілген.
Прокуратура жинаған материалдар сыбайлас жемқорлыққа қарсы қызметке жолданды. ҚР Қылмыстық кодексінің 189-бабы (Сенiп тапсырылған бөтен мүлiктi иемденiп алу немесе талан-таражға салу) бойынша сотқа дейінгі тергеу басталды.
Фархат ӘБІЛОВ