В Атырау +4 
Индер кентінде жол салып жатқан ЖШС-де 126 дана жол жиектері қолды болды. Полицейлер ұрының алыстан келмегенін болжап, күдіктінің кім екенін анықтады.
- Жедел іздестіру шаралары барысында аудандық полиция бөлімінің қызметкерлері күдіктіні анықтап, ұстады. Ол сол құрылыс мекемесінің 25 жастағы жұмысшысы болып шықты, - дейді Атырау облысы Полиция департаменті бастығының орынбасары Нұрхат ОРАЗБАЕВ.
Жас жігіттің ұрланған мүлікті жергілікті тұрғынға арзан бағаға - 30 мың теңгеге сатып жібергені анықталды. ҚР ҚК-нің 188-бабы («Ұрлық») бойынша қылмыстық іс қозғалды.
Ләззат ҚАРАЖАНОВА
12 тамыз 2020, 17:54