В Атырау 0 
Бүгін, 12 тамызда ҚР Парламент Сенатының депутаттарын сайлау рәсімі өтті. Облыстық сайлау комиссиясының ақпаратына сәйкес, «Kazakhstan Petrochemical Industries Inc» ЖШС басқарушы директоры Сағындық ЛҰҚПАНОВ 82,69% дауыс жинап, Атырау облысынан жаңа сенатор болып сайланды.
Сайлаушылардың жалпы саны - 111 (облыстық, қалалық және 7 аудандық мәслихат депутаттары), олардың 105-і дауыс беруге қатысты.
Лұқпановтың қарсыластары - «ҚТЖ» ҰК» АҚ магистральды желісінің Атырау бөлімінің бас инженері Сағын СЕЙІЛХАНОВ пен «АТМА - Атырау әуежайы және тасымалдау» АҚ басқарма төрағасының орынбасары Серік СМАҒҰЛОВ тиісінше 10,58% және 6,73% дауыс жинады.
Естеріңізге салсақ, бастапқыда ҚР Парламентінің жоғарғы палатасына 5 үміткер ұсынылған болатын, бірақ кейін екеуі - «АМӨЗ» ЖШС департаментінің директоры Серік АРЫСТАН мен гуманитарлық колледждің директоры Айжан ҚАРАБАЕВА кандидатураларын алып тастады.
Лұқпанов мерзімі аяқталған Атырау облысының сенаторы Сәрсенбай Еңсегеновтың орнына 6 жылға сайланды.
Нұргүл ХАЙРУЛЛИНА