Лукашенко конституцияны өзгертуді ұсынды

516 рет қаралды

Беларуссия президенті Александр Лукашенко алдағы бес жылда ел конституциясын өзгерту жөнінде республикалық референдум өткізу қажет деп санайды. Бұл туралы Лукашенконың сайлауалды бағдарламасында айтылады, деп хабарлайды zakon.kz ТАСС-қа сілтеме жасап.

Беларусьпен бірге біз де өзгеріп келеміз. Беларустар ел тағдыры үшін жауапкершілікті өзіне алуға дайын, ол жауапкершіліктің деңгейін халықтың өзі бекітеді. Бірақ заңды жолмен. Көшелерге шығып, алаңдарға жиналу арқылы емес, құқықтық жолмен. Конституциядан бастаймыз, - делінген Лукашенконың бағдарламасында.

Қазіргі мемлекет басшысы "беларустар референдумда өз құқығы мен бостандығын, міндеттерін және мемлекеттік билік органдарының өкілеттіктерін анықтайды", деп мәлімдеді.

Елдегі президент сайлауы 9 тамызда өтеді.

Президент сайлауына қазіргі президенттен басқа "Говори правду" қоғамдық қозғалысының тең төрағасы Андрей Дмитриев, бұрынғы депутат Анна Канопацкая, Светлана Тихановская, "Белорус социал-демократиялық Грамада" партиясының төрағасы Сергей Черечень түсіп отыр.

4 тамыз, 12:04

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.