Жаңбырлы күнгі көлік апаты

1 811 рет қаралды
Кадрдан алынған сурет

3 тамызда «Жұлдыз» зираты маңында Nissan Murano мен Nissan Teana көліктері соқтығысты. Оқиға салдарынан сол жерде бір жолаушы қайтыс болып, тағы екеуі ауруханаға жеткізілді.

«АЖ» мәліметі бойынша, зардап шеккен ер адамдардың жасы 34 және 40-та. Оларды әртүрлі, соның ішінде ашық жарақаттарымен облыстық ауруханаға жеткізген. Қайтыс болған адам туралы әзірге мәлімет жоқ. Куәгерлердің айтуынша, зардап шеккендерді көліктен әзер алып шыққан, себебі қатты соққыдан екі көлік те бүктеліп қалған.

Жол-көлік апаты күндіз сағат 14.00 шамасында, яғни Атырауда жаңбыр жауған кезде болған. Полиция департаменті бұл оқиға туралы әзірге ақпарат ұсынған жоқ.


Фархат ӘБІЛОВ

3 тамыз, 23:53

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.