Ресейдің Қазақстанмен шектесетін шекаралас өңірінде құс тұмауы бұрқ етті

822 рет қаралды

Қазақстанмен шектесетін Челябі облысында құс тұмауы анықталды, деп хабарлайды zakon.kz.

Бұл туралы Россельхознадзордың аймақтық басқармасы хабарлады: Челябинск өңірінде құс тұмауы ауруы тіркелді.

Қазір онда қауіпті аурудың таралуын болдырмау үшін барлық шаралар қабылдануда.

Увельский ауданының Песчаное және Табынша көлдерінің жағасынан табылған құстардың өлексесі (1 жабайы үйрек, 2 үй үйрегі және 2 үй қазысы) зерттелді. Барлық үлгілерде құс тұмауы вирусының H5N8 кіші түрінен материалдар анықталды. Осыған байланысты аталған елді-мекендерде құстарды санақтан өткізу жүргізілді. Осы көлдердің жанында орналасқан қолайсыз елді-мекендердің аумағында карантин белгіленді, эпизоотиялық ошақтар мен қауіпті аймақтар анықталды. Шаралар құс тұмауымен күрес ережелеріне сәйкес қолайсыз аймақтарда жүргізілуде, деп хабарлады министрлік.
3 тамыз, 16:50

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.