Видеоларын жолдап, чемпион атанды

Қазақстандық ушу (кунг-фу) федерациясының он-лайн чемпионатының қорытындысы бойынша атыраулық спортшылардың қоржынына екі алтын, үш күміс және үш қола алқа түсті. Төрешілер қатысушылар жолдаған видеоларды таолумен - жаттығулар кешенімен бағалады.

Венера Тұрғанова мен Зарина Асқарқызы ел чемпиондары атанды, Ислам Есенжан, Айнара Еламанқызы мен Жаңыл Жәнібек күміс жүлдеге қол жеткізді, Дарын Кенжеболат және апалы-сіңлі Ақнұр мен Ақбота Тілекқабыл қола жүлдеге ие болды.

Мирас МҰСТАФАЕВ