​«Армян» көліктері тіркелуге асығар емес

903 рет қаралды

Атырау облысында Армения республикасынан әкелінген көлік құралдарын тіркеуге алу жұмыстары жалғасуда.

Тіркеуден өткен көліктерге сары мемлекеттік нөмір беріледі. Ал оң жақ рөлді көліктер тіркеуге жатпайды.

- Қазір барлығы 2500 азамат, оның ішінде мамандандырылған ХҚКО-да 1114-і қажетті кеңес алды. Көлік құралдарын тіркеу үшін тиісті құжаттар болса болды, - дейді Атырау облысы полиция департаменті бастығының бірінші орынбасары Берік АМАНГЕЛДІ.

Облыс аумағында барлығы Армения республикасынан 7000-ға жуық, оның ішінде 2279-ы оң жақ рөлді көліктер әкелінген. 1000-ға жуық көлік еліміздің басқа өңірлерінде тұратын тұрғындарға сенімхатпен беріп жіберілген. Ал 200-ден астам көлік техникалық жай-күйіне байланысты  бөлшектеніп кеткен. «Армян» көліктерінің иелері тіркелуге асығар емес, қазір тек 1000 автокөлік сары нөмір алып отыр.

Полиция қызметкерлері армениялық көлік құралдарын тіркеу осы жылдың 1 қыркүйегіне дейін жүргізілетінін ескертеді.

Ләззат ҚАРАЖАНОВА

29 шілде, 17:24

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.