Маскасыз әрі заңсыз жұмыс істеген

950 рет қаралды

Осы аптада Атырау полицейлері санитарлық нормалардың сақталуы бойынша құрылыс нысандарында рейдтік іс-шаралар жүргізуде.

- Осы іс-шара барысында Нұрсая-3 (Тұлпар), Нұрсая-2 ықшам аудандарында және Жеңіс саябағы маңайындағы жағалауында салынып жатқан үш ЖШС-нің құрылыс нысандарында жұмысшылар медициналық маскасыз жұмыс жасаған, бұдан басқа ол жерде антисептикалық құралдар болмаған, - дейді Атырау облыстық полиция департаментінің бастығы Қамза ҮМБЕТҚАЛИЕВ.

Барлық жинақталған құжаттар жұмыс берушілерді әкімшілік жауапқа тарту үшін қалалық тауарлар мен көрсетілетін қызметтердің сапасы мен қауіпсіздігін бақылау басқармасына жолданды. Айтпақшы, осы рейд барысында полицейлер құрылыста заңсыз жұмыс жасаған 35 жұмысшыны анықтады. Тексеру жүргізілуде.

Фархат ӘБІЛОВ

28 шілде, 14:10

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.