Франциядағы атақты шіркеуді кім өртегені белгілі болды

2 980 просмотра

Нанттағы Қасиетті Петр және Павел шіркеуінде жұмыс істеген ерікті соборды өртегенін мойындады. Бұл туралы Ouest France газеті жазды, - деп хабарлайды РИА Новости.

Өрт 18 сәуірде басталған. Бірнеше сағат бойы жалғасқан өрт салдарынан үлкен орган жойылған. Прокуратура өрт қасақана жасалды деп күдіктенген. Келесі күні руандалық 39 жастағы ерікті қамауға алынды, ол ғибадатханада көмектесіп, өрт шыққан күні есіктерді жабуы керек болған. Кейін оған айып тағылмай, бостандыққа шығарылған.

Кеше, 25 шілдеде, ер адам екінші рет ұсталған. Тергеу судьясы оған өртті қасақана жасады деген айып таққан.

Ал ерікті кінәсін мойындаған. Ол шіркеуді үш жерден өртегенін айтқан. Бірақ оның бұл әрекетке неге барғаны хабарланбады.

Енді ол он жылға бас бостандығынан айырылып, 150 мың еуро көлемінде айыппұл арқалауы мүмкін.

Дереккөз: tengrinews.kz

26 шілде 2020, 21:30

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.