Жанған КЖО ішінде 8 автокөлік өртке оранды

17 шілдеде Тайманов көшесі бойында жергілікті уақыт бойынша сағат 19:21-де "Қазазер" ЖШС-нің көлік жөндеу орталығында өрт шықты.

Ғимараттың ішінде 8 жеңіл автокөлік болған, олар толығымен отқа орынды.

Айта кету керек, оқиға кезінде өрт сөндірушілер ғимараттан көлемі 50 л 2 газ баллонын және көлемі 70 л 3 оттегі баллонын алып шықты.

Атырау облысы ТЖД "ӨС және АҚЖҚ" ММ 15 қызметкері мен 4 техникасының күшімен сағат 20:00-де өрт ауыздықталып, 20:41-де толығымен сөндірілді.

Қаза болғандар мен зардап шеккендер жоқ. Өрт себебі анықталуда.

Атырау облысы ТЖД ішкі және сыртқы коммуникациялар тобы