В Атырау 0 
Aтырау облысының бас санитар дәрігері Сәдуақас БАЙҒАБЫЛОВ дәрі-дәрмектің шекті бағасын сақтау және өңірдегі дәріханаларда алыпсатарлыққа жол бермеу жөніндегі мониторинг нәтижесіне түсініктеме берді.
- Атырау тұрғындары әлеуметтік желіде дәріханадағы дәрі-дәрмектердің бағасы бірнеше есеге көтерілгеніне шағымданды. Мобильді топ Атырау облысындағы 50-ге жуық дәріхананы тексерді, - делінген хабарламада.
Шекті бағасы 583 теңге деп белгіленген «Новиган Нео № 20» 600-ден 800 теңгеге дейін сатылған, шекті бағасы 1271 теңге деп белгіленген «Аспирин Кардио 100 мг № 28» 1500 теңгеден, бағасы 1802 теңгеге белгіленген «Кардиомагнил 75 мг № 100» 1900 теңгеден сатылғаны анықталды.
Осы фактілер бойынша қазір ШОБ-тың 9 субъектісі 130-дан 1000 АЕК мөлшерінде айыппұл қарастыратын ҚР ӘҚБтК-нің 426-бабы («Фармацевтикалық қызмет және дәрілік заттар мен медициналық бұйымдар айналысы саласындағы ережелерді бұзу») бойынша әкімшілік жауапкершілікке тартылуда.
Бұдан басқа, «Ортодонт» ЖШС дәріханасында тіркелмеген дәрілік заттардың 10-ға жуық атауы анықталды.
«Вердант» косметологиялық кабинеті кәсіпкерлік қызметті заңсыз жүзеге асырған, атап айтқанда, тіркелмеген дәрілерді, оның ішінде «Клексан», «Дексаметазон», «Азитромицин» дәрілерін лицензиясыз сатқан.
Соңғы екі факт бойынша тергеу іс-шаралары жүргізілуде.
Дайындаған Айнұр САПАРОВА