Дәріханада қазір емге қажет дәрі жоқ

1 015 рет қаралды

12 шілдеде арнайы топ дәріханаларға мониторинг жүргізіп, Атырауда қазір адамдарға ең қажетті вирусқа қарсы препараттардың 20-дан астам атауы жоқ екенін анықтады.

«Бұл қазіргі жағдайдың қаншалықты қиын екенін көрсетеді. Аудандардағы жағдай одан бетер. Сондықтан да науқастардың қатары күнбе-күн көбеюде.  Мониторинг кезінде анықталған кемшіліктердің қатарында – қаладағы үлкен дәріханаларға вирусқа қарсы және дене қызуын түсіретін дәрі-дәрмектердің жеткізілуінен ондағы ұзын-сонар кезектің пайда болуы. Сонымен қатар, Махамбет көшесінде орналасқан «Зерде» дәріханасында  дәрілер бар, ал Авангардта орналасқан «Гиппократ», «Семейное», «На Гурьевской» дәріханаларында халыққа қажетті кейбір дәрі-дәрмектерді  ішінара табуға болады» делінген Сыбайлас жемқорлыққа қарсы іс-қимыл департаментінің баспасөз хабарламасында.

Мониторинг барысында Нұрсая ықшамауданы, 51 мекенжайында орналасқан «Аптека» дәріханасында дәрілік заттарды жоғары бағамен сату фактісі анықталды. Атап айтсақ, «Нурофен», «Бронхо-мунал П», «Ингалипт» препараттарының бағасын көтеріп сатқан.  Анықталған кемшіліктер бойынша ақпарат «тиісті құзыретті мемлекеттік органға» жіберілді. 

Дайындаған Зульфия ИСКАЛИЕВА

13 шілде, 11:35

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.