В Атырау +1 
10 шілдеге қараған түні Атырау полицейлері мас күйде көлік тізгіндеген бес жүргізушіні ұстады. Олардың арасында екі әйел бар.
- Оларға қатысты ҚР ƏҚБтК 608-бабы (Жүргізушінің көлік құралын алкогольдік масаң күйде басқаруы) бойынша әкімшілік хаттама толтырылды, - дейді полиция департаментінің өкілі Гүлназира МҰХТАРОВА. – Сонымен қатар, заң бұзушылардың бірі - 25 жастағы азаматтың бұған дейін жүргізуші куәлігінен айырылғаны анықталды. Оған қатысты ҚР ҚК-нің 346-бабы (Көлік құралдарын басқару құқығынан айырылған және алкогольдік масаң күйдегі адамның көлік құралын басқаруы) бойынша қылмыстық іс қозғалды.
Биыл 11 қаңтардан бастап көлікті мас күйінде жүргізгені үшін жаза күшейтілді: мұндай заң бұзушылар 7 жылға дейін жүргізуші куәлігінен айырылады. Сол күні полицейлер Атыраудан бас санитариялық дәрігердің шектеу шаралары туралы қаулысын бұзған 5 жүргізушіні ұстады. Оларға қатысты материалдар қалалық тауарлар мен көрсетілетін қызметтердің сапасы мен қауіпсіздігін бақылау басқармасына жолданды.
Фархат ӘБІЛОВ