Тойда 100-ден аса қонақ коронавирус жұқтырды

4 293 просмотра

Өзбекстанда 4 тойда 110 адам COVID-19 жұқтырды, деп хабарлайды Podrobno.uz.

"Той, түрлі рәсімдер мен отбасылық шараларды өткізу вирустың таралуына ықпал етіп жатыр. Мысалы, 4 тойда 110 адам коронавирус жұқтырды. Оның ішінде Юнусабад ауданында өткен бір тойда 79 адам COVID-19 жұқтырды. Сондықтан лимитті сақтаған жөн. Тойға 30 адам қатысуы керек. Ол үшін тойды 3 рет өткізу қажет", - дейді Өзбекстанның денсаулық сақтау министрі Әлішер Шадманов.

Оның айтуынша, соңғы 14 күнде елдегі азаматтардың 52 пайызы, шетелден келген өзбекстандықтардың 48 пайызы коронавирус жұқтырған.

9 шілдедегі мәліметке сәйкес, Өзбекстанда COVID-19 жұқтырғандар саны 11 447-ге жетті. 7 082 науқас дертінен айықты, 49 адам қайтыс болды.

10 шілде 2020, 09:12

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.