Құрманғазы ауданы әкімінің орынбасары ешнәрседен жиренбеді

Құрманғазы аудандық соты аудан әкімінің орынбасары Үркен ТӘЖІБАЕВҚА қатысты қылмыстық істі қарады. Ол ҚР ҚК-нің бірден үш бабы бойынша айыпталды - 361 (лауазымдық өкілеттікті теріс пайдалану), 364 (кәсіпкерлік қызметке заңсыз қатысу) және 190 (Алаяқтық).

Істе өндірістік кооперативке 500 мың теңге көлемінде келтірілген материалдық зиян; туыстарына басымдық бере отырып, оларға тіркелген жеке құрылымдарды басқаруға қатысу; балықшы күніне арналған іс-шараға 150 мың теңге және аз қамтылған отбасылар үшін қорғау маскаларын сатып алуға жергілікті бизнес жинаған 125 мың теңгені қолды қылған.  

Қатаң сот бұрынғы шенеунікке 3 миллион теңге көлемінде айыппұл салды.

Дайындаған Айнұр САПАРОВА