В Атырау 0 
Испанияның солтүстік-батысында коронавирус індетінің таралуына байланысты шектеу шаралары қайта күшейді, деп хабарлайды 24.kz
Елдің 70 мың тұрғыны бар Галисия автономды бірлігінің үкіметі 5 күндік қатаң карантин режимін енгізді. Бұл аймақта коронавирус дертіне шалдыққан науқастардың саны 100-ден асып отыр.
Карантин талаптарына сәйкес дүкендер мен мәдени-демалыс мекемелерінде адам санына шектеу қойылды. Сонымен қатар халық міндетті түрде маска мен қолғап тағуы тиіс.
Естеріңізге салайық, жуырда Каталонияның Сегриа ауданы да оқшауланды. Тұрғындардың бұл өңірге кіріп-шығуы шектелді. Аймақта дәрігерлер жаңа науқастар үшін дала госпиталін ашты.
Айта кетейік, Каталонияда эпидемия басталғалы 62 мыңнан астам адам коронавирус инфекциясына шалдығып, 5 мың 600 науқас осы кеселден көз жұмды.