Хабарласаңыз, өзіміз барамыз

1 шілдеде тұрғындардан заңсыз сақталған атыс қаруларын, оқ-дәрілер мен жарылғыш заттарды сатып алу жөніндегі жыл сайынғы акция басталды. Өткен жылы осындай акция барысында 69 «ұңғы», негізінен аңшы қаруы тапсырылды.

Қаруды ерікті түрде тапсырғаны үшін 10-нан 100 АЕК-ке дейін (27,780-ден 277,800 теңгеге дейін) төлем қарастырылған, сонымен қатар қылмыстық және әкімшілік жауапкершіліктен босатылады.

- Қазіргі эпидемиологиялық ахуалға байланысты полиция органына бармай-ақ, «қауырт желі» телефонына немесе 102 нөміріне хабарласу жеткілікті, - деді ПД баспасөз қызметі. – Полицейлер өздері барады.

Айнұр САПАРОВА