​«Азамат Бекет ешқайда кеткен жоқ»

Таяуда Құлсарыдағы шағын және орта кәсіпкерлер карантинді алып тастауды талап етіп, қайта-қайта наразылық білдіргеннен кейін Жылыой ауданының әкімі Азамат БЕКЕТ өз орнын босатты деген қауесет тарады.  Осыған байланысты «АЖ» тілшісіне Жылыой ауданы әкімінің міндетін атқарушы Жантөре РАШОВ былай деп жауап берді:

-Азамат Бекет ешқайда кеткен жоқ. Рас, 16 маусымнан бастап қысқа мерзімді еңбек демалысына шыққан болатын. Аздап сырқаттанды, бірақ коронавирус дертіне шалдыққан жоқ. Бірер күнде қайта жұмысына шығады. Әлеуметтік желідегі түрлі жазбаларды көріп отырмыз. Қайталап айтамын, Бекет әкімдіктен кеткен жоқ.

Жақында ауданда карантин 2 шілдеге дейін ұзартылды. Бес адам коронавирус дертінен қаза болды. 

Ләззат ҚАРАЖАНОВА