Махамбеттік диқаншылардың алғашқы өнімі

Махамбеттік ауыл шаруашылығы тауар өндірушілері биыл да мол өнім ұсынуды көздеп отыр.

Биылғы жылдың өзінде 100-ден астам шаруашылық  550 гектарға картоп,  795 га көкөніс,  385 га бақша,  2300 га мал азығын егіп отыр. Егістіктің 1480 гектарына тамшылатып суару әдісін пайдалануда. Көпжылдық  жеміс-жидек 233 гектарға жетіп, онымен тұрақты 10 шаруашылық айналысуда.

-Диқаншылар биыл 28600 тонна көкөніс дақылы, 15100 тонна бақша,  9200 тонна картоп аламыз деп жоспарлауда. Қазір «Никита», «Кан», «Наурыз» ШҚ диқаншылары базардан төмен бағамен қияр сатуды бастап кеткен болатын, - дейді ауданның ауыл шаруашылығы бөлімінің басшысы Олжас МЫРЗАБАЕВ. - Шілденің 10-нан бастап дақылдарды жаппай жинау басталады деп отырмыз. Махамбеттік диқаншылар үшін бүгінде маңызды кезең басталды.  

Ләззат ҚАРАЖАНОВА