​Ұрылар терезеден оп-оңай кірген

Атырау полициясы үш адамнан құралған қылмыстық топты құрықтады. Олар өткен жылдың желтоқсанынан бері жеке сектордағы үйлерді тонаған. Қожайыны жоқ кезде олар пластик терезені ығыстыра салып, үйлерге оп-оңай кіріп жүрген.

- Оларға 10 үйге ұрлық жасады деген айып тағылуда. Мәселен, бір үйден зергерлік бұйымдар, қымбат сағат және аңшылық мылтық ұрлап, 1,5 миллион теңгеге зиян келтірген, - дейді Атырау облыстық полиция департаментінің бастығы Хамза ҮМБЕТҚАЛИЕВ. Ол сондай-ақ атыраулықтарға қырағы болуға, үйді бейнебақылау жүйесімен, дабылқаққышпен және терезелерді тормен қауіпсіздендіруге кеңес берді.

Айнұр САПАРОВА

Атырау облыстық ПД баспасөз қызметі ұсынған сурет