​Ескі базарда оқ атылды

"АЖ"-ға белгілі болғандай, 17 маусымда кешке Атырауда бұрынғы колхоз базары («ескі базар») аумағында травматикалық тапаншадан оқ атылды. Бұл белгісіз екі ер адам мен 40 жастағы жәбірленуші арасындағы жанжал кезінде болған.

Резеңке оқтан жарақат алған жәбірленуші облыстық ауруханаға жеткізілді. Дәрігерлер «жеңіл дене жарақаты» деген диагноз қойып, көмек көрсетіп, үйіне жіберді. Жанжал қандай жағдайда болғандығы әзірге белгісіз. Полиция оқ атқандарды іздестіруде.

Айнұр САПАРОВА