Діни жат ағым өкілі есірткімен ұсталды

Атырауда синтетикалық есірткі сатқаны үшін 32 жастағы қала тұрғыны қамауға алынды. Бұдан басқа ол терроризмді насихаттады деген күдікке ілініп отыр.

Ол Полиция департаментінің экстремизмге қарсы іс-қимыл басқармасы қызметкерлерінің Ұлттық қауіпсіздік комитеті департаментінің қызметкерлерімен бірлескен жедел-іздестіру іс-шаралары барысында ұсталды.

- Тінту жүргізілген кезде ұсталушыдан синтетикалық есірткі, тыйым салынған діни әдебиет және қолдан жарылғыш құрылғылар жасауға арналған заттар тәркіленді. Осы факті бойынша ҚР ҚК-нің 297-бабы (Есірткі заттарын өткізу мақсатында заңсыз сақтау, тасымалдау не өткізу) бойынша сотқа дейінгі тергеу жұмыстары басталды. Бұдан басқа ҚР ҚК-нің 174-бабы (Әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру) және 256-бабы (Терроризмдi насихаттау) бойынша тергеу жүргізілуде, - деп хабарлайды полиция департаментінің баспасөз қызметі. 

Тергеу мүддесіне сай басқа ақпарат жария етілмейді.

Зульфия ИСКАЛИЕВА

Бейнежазбаны ПД баспасөз қызметі ұсынды